إمسك حرامي . بقلم الشاعر القدير * سيد عبد العظيم
إمسك حرامي...
سرق قلبي وجري مني
تعبني معاه
أنده عليه.. وعليه أدوّر
بس مش بلقاه
تعب قلبي وعذبني
من كُتر ما بجري وراه
اللي يشوفه يقولّه ..
يا يجيلي
يا ياخدني معاه
واديني غرقان في حبه
وبستناه
بحلم ليلاتي بقربه
أو اعيش وياه
بدّعي يحنن قلبه
و أنعم بهواه
دا هو أملي ف حياتي
واللي بتمناه
واللي يشوفه يقولّه...
يجي بسرعه
ويجيب السعاده معاه
العمر بيعدي مني
وأنا لسه بستناه
والبُعد زاد ويّا العناد
آخرتها إيه ويّاه
تحياتي...سيد عبد العظيم
