بحنية فول ياعم . بقلم الشاعر القدير * محمد أبو الفتح
بجنيه فول يا عم
سوق الغلابة جبر وراحت أيامه وأيامــــــــنا يا خالي
في جيبي جنيه يتيم ومن جوعي مصارين بطني بتلالي
قلت حأكل فول أكلة واخد عليها يا خي وعلي قد حـالي
قلت بجنيه فول قالي مفيش بجنيه الفول بــــقي غالي
قعدت علي جنب أغني مع نفسي للفقر موالي
عشاالغلابة عليك يارب ملناش غيرك حدتانى
بس نلاقي لقمة وهدمة ويبقي المزاج عـــالي
يقطع سنين الغلا والكوى بقي كل شيء غالي
إلا بن أدم رخص تمنه ياناس هو وسلســـاله
يا زمن فيك العجب قلب البشر صبح خـــالي
واللي جيبه خفيف ما يلاقي رغيف وده حالي
قالوا في لحمة قلت بلا لخمة تمنها في العالي
دي حتى طعمها شين وبتوجع البطن طــوالي
دوقتها مرة في الحلم وشكيت من مغص جالي
قالوا فيه سمك قلت أحوش تمن كيلو لعــــيالي
بس احنا نلاقي الفول من كتر ما بأكله خلاني
ماشي تايه يا بوي وكأنى جامــوس عجــالي
روحت أشتري صبر بياعه قال جبر وقفلت دكاني
روح يا بن عمى شوفلك وشوف لي في دكان تانى
محمد ابو الفتح........
