صباح الخير . بقلم الشاعر القدير * صالح منصور
صباح الخير
بقلم صالح منصور
صباح الخير
لكل اللى عشانا سهرانين
واللى بيخدوا
مكانهم واحنا لسه نايمين
صباح الخير.
لحنا ومرقص
ومحمد واسماعيل
صباح الخير
لأولادنا اللى
على الحدود صاحيين
صباح جميل زى
جمال ضحكة النوبه
وحلايب وشلاتين
صباح الدلع
الاسكندرانى
والعيون المكسوفين
صباح العمل
لأهل بحرى من بنها
لآخر بلاد المسلمين
صباح الحب.
للقاهرة والجيزة.
وميت نما
والبدرشين
صباح السعادة
لكل اللى للبدل البيضه لبسين
رجال الشرطة.
ضباط
وعساكر.
ومخبرين
صباح الهنا.
لكل ست مصريه
خلت ولادها بنى آدميين
صباح حب
منى انا
لكل المصريين
مصر. بتفرح وهتفرح
غصب عن
الامريكان
واردوغان
والقطريين
................... ... صالح منصور
