حب مسجل خطر . بقلم الشاعرة القديرة * مى محمد العطار
حب مسجل خطر
آسفة مكانشى قصدى
انى أوجه عتاب
ماانت سيبت قلبى
في يوم كتب الكتاب
ماء وجهى نشف
غدرك ليا انكشف
عشقى ليك انكسف
وقالى للأسف
إنك خاين كداب
حكم عليا الادر
بحب مسجل خطر
غوانى بالسهر
ولقلبى خلاص كسر
خلى حياتى في عذاب
ليه الحنين بيهون
ولا عاد حبيب بيصون
قل الامان في الكون
والغدر من غير باب
قلبى ..
من اقرب ماليه اتخان
خيانته كما البركان
اديته الحنان بأمان
جزانى بحنينى عذاب
ياقلبي كفايه خلاص
سيبك من الإحساس
قلبى البريء انداس
دوس الحياه بمداس
طلعنا منها بايه
إحنا اللى قلنا سماح
سمحنا لحبيب سفاح
وبرغم كل جراح
قتل حنينى بايديه
اتاريه بايع قلبه
قابض فيه التمن
هاتولى حبى منه
دا كان عليه مؤتمن
تعالى ياقلبى نداوى
في جراح الزمن
حبك ماعدشى غالى
أصبح من غير تمن
إنت اديت الأمان
إنسان حقير وخان
قلبك كان غلطان
دا الخاين والجبان
مالوش عندك تمن
كلمات : مى محمد العطار
