عامل ايه يابا . بقلم الشاعر القدير * هشام سليم
عامل إيه يابا
أكيد مبسوط ف الجنة
بعدك عشت كآبة
أهم حاجة تتهنّي
بعدك قلبي خسر
وضهري كمان انكسر
كنت شايل بلاوي
نفسي أحكيلك حكاوي
الكل بعدك سابني
لهم وكرب صابني
حتي اللي مااستعْنَي
بعدك عني استغني
ونكران الجميل
دوّق قلبي الويل
وخلّا نهاري ليل
وحشني يابا صوتك
من بعد نهار موتك
مع إنو لسه ف ودني
عيش ع العهد ياابني
صوتك كان بيطمّني
ف عز الأزمة يعينّي
عمره ماحيبعد عني
بعدك شفت الجحود
م الحاسد والحقود
نفسي ياابويا تعود
بعدك شفت المصايب
م الأهل والقرايب
ومعدش ليا حبايب
واديني ف همي دايب
يابا اوعي تخاف
ابنك ياما شاف
ولا عمره يكون خوّاف
فاكر يابو هشام
بيني وبينك كلام
أيام ما كان في بيت
علي إيدك اتربيت
علمتني الرجولة
من قبل مااروح سنة أولي
علمتني الجراءة
علمتني البراءة
دايمن أقول الحق
وللنفاق لأ
قلتلك يابا حتعب
تقولي اوعي تكدب
يابا الخلق اتغيّر
بينهم اديني متحيّر
الدنيا بنت كلب
تعبان فيها القلب
حفضل صاين عهدك
وف قلبي يكبر ودك
لحد يوم مجيلك
واقعد معاك واحكيلك
أصلك وحشتني
منتا اللي سيبتني
عارف مش بإيديك
ياحسرة قلبي عليك
بس اللي يعزيني
واللي بيقويني
إن روحك فيا
وهيه أحلي مافيّا
اتهنّي يابا اتهنّي
حلال عليك الجنة
حلال عليك الجنة
هشام إبراهيم سليم
كنج العربي
شاعر الحرافيش
الإسكندرية مصر
