من الليلة دى . بقلم الشاعرة القديرة * سناء العاجز
من الليلة دى
بقلم سناء العاجز
من الليله دى قررت
ابعد عن اى حاجه مضيقانى
من الليلة دى قررت اعيش لنفسى
مش هطبطب ولا هعاتب
مش هسامح ولا هبرر اهمالك
لا كفاية خلاص تعبت
من الليله دى خلاص كله بح
هكتب حروفى ويا شوقى
واطوى صفحة من حياتى
فيها خوفى فيها شوقى
فيها كل صعب عشته
اصلى خلاص زهقت
من الليلة دى خلاص اكتشفت
ان كله خداع وكدب
ومصالح عايشة بينا
بس خلاص قرفت
من الليلة دى خلاص هسلم
ان عشت الوهم سنين
لا كفاية يلا فوقى
عيشى حياتك واتصالحى مع نفسك
كله كلام فاضى فوقى يلا
باقى ايه من حياتك يبقى مر
عيشى كل لحظه
واسعدى نفسك بنفسك
من الليلة دى خلاص قررت
سناء العاجز. مصر
