بيني وبينك عالم تاني . بقلم الشاعر القدير * أحمد عبد الخالق
بيني وبينك عالم تاني
نقطه مية
نطفة
في الاخرتتحول لجنين
شمس تغيب
وترجع تاني
مع نظرة عين
بيني وبينك قانون بمراجع
يقرب حبة
ويبعد حبة
واهو كله مواجع
خايف ياحبيبتي
علي كل اللي مابيني وبينك
يطلع كدب
يطلع زي ماقال حسادنا
وهم الحب
معقولة في الاخر
اللي في ضلوعنا
يطلع في الاخر
ترميم قلب
بيني وبينك احساس حاير
كل مااحسه
يقولي ماهوانت الشاعر
خايف من كسرة نفس
او ان اللي بيني وبينك
لا نعيشه في يوم
ولا يتحس
صعب حبيبتي
كسر في مشاعرنا
صعب نحس بمشاعرنا
قلب نبضاته في جبس
ممكن وعد
لا يكون فينا اخر
وهاقولك من الاخر
حبك علمني كتير
بسكاتي
باهاتي
بصرخاتي
حتي في اوقات الهمس
عهديني
جربي مرة واحده
تقولي بحبك
هي صاعبه عليك
انك تحبيني
بيني وبينك عالم تاني
عالم عشرة
لا ده الواحد بعدالعشرة
والاتناشر
لو لينا عمر
هكمل الاتناشر بكرة
احمدعبدالحق
