حسن ظن . بقلم الشاعرة القديرة * أ. مشيرة النقيب
❤⚘⚘❤
⚘((حسن ظن))⚘
لما فُونَك مرة يِغلط
ولا شوفته بلحظة رن
أو في مرة نِمرة تِسأل
إنت تبقى فلان ياعم؟
يبقى شَكَك مش دا وقتُه
خَلي عَندَك حُسن ظَن
ياما ناس وبدون ما تُقصُد
لما تطلب نِمرة تغلط
ناس تزغرَط ناس تعيَط
أيوة شىء وارد ياعم
ليه بتظلم ناس بريئة
ليه متنصُرش الحقيقة
تلقى نفسَك يوم في ضِيقة
والخراب للبيت يعُم
انت يابني أمين عليها
خلي ثِقتك عالية فيها
يومها راح تديك عينيها
والحنان في البيت يعُم
الحياه مش لحظة واحدة
وانتوا بينكم فيه معاهدة
بالأمانة وورقة شاهدة
إن بينكو ولاد ودم
عيش حياتك بالمودة
بالتفاهم والمحبة
مش هتاخد بالمعاندة
غير خراب للبيت وغَم
البنات دي ورود جميلة
من بيوت غالية وأصيلة
وانت من واجبك تصونها
تبقى أب وتبقى أم
يعني رفقاً بالقارورة
خلي ست البيت أميرة
والآيات في الدين كتيرة
خلي عندك دين ياعم
❤
😅😅
⚘وصباحكم كله خير⚘يارب
بقلمي
أ.مشيرة النقيب
16/8/2021
