الشلال . بقلم الشاعر القدير * عبد الله رجب أبو عدنان
الشلال..
شلال ف الشعر و انفجر
حرام لما يروح هدر
والغريبة من اهل بلدك ما تتقدر
وصبرت لما مل مني الصبر
شاعر احاسيس وغشيم ف الجبر
واحد م الغلابة وسط البشر
طول عمري راضي بالنصيب و القدر
عندليب ف زمن الكلام الرخيص
وف ليل الصفا ازي تموت الأحاسيس
ولية ما يبقاش عندنا مية هويس
ولابد نفرز الهابط من النفيس
عمري ما حلمت بشهرة أو فلوس
حسبة بسيطة لأني فقري و منحوس
لكن عندي النغم الأصيل كما فيضان
بيزيد عنفوانة ونار وبركان
وصوت الحق جوايا كروان
منحاز للغلابة لأني فعلاً غلبان
بحب الفول والفلافل والبدنجان
والتواضع سر نجاح أي فنان
الكلمة أمانة والطهر ليها عنوان
والطريق إلى الله غاية كل إنسان
ازرع حب وخير ف كل مكان
طيبه ولاد البلد ف خبر كان
أحسن أيد م الشقا
يدعي ويناجي رب السما
مهما زاد شلال الغلا
ولا زرفت دمعة م البكا
حامل عدتة ف الفلا
ياكل لقمة بدقة وب الهنا
يعمر من سبع آلاف سنة
ومن مية الظلم ارتوى
الظالم والظلم سوا سوا
وعدل مكسور وياما انكوى
زيي عليل ما لاقي دوا
ومن الشلال ليكو مية مسا
حبكم ليا زي المية والهوا
خلاص قلبي ف غرامكو استوى
الشلال...
عبدالله رجب ابوعدنان
