خليك تقيل . بقلم الشاعر القدير * هشام سليم
ياابني اسمعني خليك تقيل
انتو جيل واحنا جيل
احنا جيل داق الهم
وانتو جيل ماعنده دم
احنا جيل اتربينا
وانتو جيل مترباش
كل حاجة ياابني علينا
عايزين تعيشوا ليه ببلاش
احنا جيل الاحترام
والاحتشام
وانتو جيل الإجرام
وهات وبكام
احنا جيل الفعل
مش الكلام
احنا جيل عشق الثقافة
والتعليم
وانتو جيل خفيف خفافة
جيل حمار وكمان بهيم
احنا جيل حَب الشياكة
رغم فقره
وانتو جيل التناكة
غرور ونعره
احنا جيل بيعرف يلبس
وانتو جيل المحزأ والملزق
احنا جيل اوعي تلمس
وانتو جيل الانحطاط
مليان احباط
ومش عارف
المهم إنك صارف
احنا جيل شقيان
رغم فقره كان شعبان
وانتو جيل مهما كل
برضو جعان
احنا جيل حليم وثومة
وانتو جيل المهرجانات
احنا جيل مااتهنّي ف نومة
انتو جيل الاشتغالات
احنا جيل حب البلد
عليه يُعتمَد
وانتو جيل ليه كارهها
ناكر خيرها
حَب غيرها
قاللي يابابا
كلامك ليه دمه تقيل
منا قلتلك
احنا جيل وانتو جيل
هشام سليم
كنج العربي
شاعر الحرافيش
الإسكندرية مصر
