مشاعري اتغيرت . بقلم الشاعر القدير * طارق العدل العدل
مشاعرى لى اتغيرت
عاوز تحل المسألة
حجات كتير اتبدلت
دنا شفت منك بهدله
وضعت للقصه النهايه
حتى الدراما اتحولت
مشاعرى لى اتغيرت
كنت بشوفك بعيون قلب
كان يوهب من عمره الحب
وانت بكل غرور الكون
كنت تذيد ببعادك صد
كل جميل فى القصه محيته
وبايدك انت جنيت وقتلت
كنا اتنين يجمعهم حلم
وانت مشاعرك دور من فلم
أنا اوهبلك عمرى بطوله
وانت شايفنى بدور كومبارس
ولما بطلت اقول كلاكيت
جاى تسالنى لى اتغيرت
كنت عريس مشتاق لعروس
وانت بعينى بقيت محروس
ولما اديتك قلبى جرحته
وبكل قساوة على جرحه تدوس
انت بجد استاذ فالغدار
ومنك ياما اخدت دروس
كان فى بينا وعود وعهود
انت مشاعرك نقصها شهود
بس بجد أتقنت الدور
ودمع عيونك يشهد زور
انت بجد حبيب مغرور
وكل كلام الحب فى عينك
كدب فى كدب وناقصه شعور
كنت ليك ملاك الرحمه
لقيتك انت شيطان مسعور
انا قدمت الحب وفاء
وحبك انت كتبته سطور
الف قناع فوق كل ملامحك
وبسرعه كمان بتعيش الدور
كنت اوهبلك قلبى لوحدك
وقلبك انت للجمهور
طارق العدل العدل
