ظلم الحياة . بقلم الشاعرة القديرة * أسماء عجور
أنا ف خانة مليش قيمة
لا قبل وبعد ..بدون عيلة
أنا الهامش بذات نفسه
على الأركان ساند نفسه
مفيش ولا حد بيحسه
ف وقت الجرح قوام عنده
أنا في خانة ملهاش عد
يتيمة لوحدي ملياش حد
أنا الموجوعة وسط الآهه بتعدي
أنا الغرقانة ف وسط المايه بتهدي
أنا الميت ومن غير صوت
تعبت ف دنيا ملياش صوت
أنا الغرقان
أنا الهلكان
أنا الوردة إللي دبلانة
فرحت ولا حتى زعلانه
وأمته الفرح بيبات يوم
يتيمة ام وكلي هموم
يتيمة اب ف دنيا هلاك
وبتمثل بوش ملاك
أنا العلقانة بكوم القش
أنا الهجران وملياش عش
أنا إللي ف خانة ملياش حد
بقلمي أسماء عجور
