امي . بقلم الشاعرة القديرة * مى محمد العطار
امى ياشايلة الهم بدالى
انتى ياامى كل كياني
ولا فيه غيرك يشغل بالى
انتى الروح في الوجدان
عمرى ما بزعل إلا واجيلك
ألقى كل دموعى في عينك
بلحق حضنك وابوس إيدك
بتغمرى قلبى بكل حنان
بعمرى بحالو أنا بفديكى
ربنا يوصل من عمرى ليكى
وبروحى وقلبى أنا بهديكى
برتوى من عطفك بأمان
أنا معرفتش أوصف فيكى
كل الوصف مش هيكفيكى
بشوف الدنيا ياماما بعنيكى
ألوانها جواهر لؤلؤ مرجان
قلبك اللى بيرعانى
هو نفسه خلانى
من خوفى عليكى كوانى
مش شايفة من دمعى الألوان
امى ياشايلة الهم بدالى
انتى ياامى كل كياني
ولا فيه غيرك يشغل بالى
يااغلى هدية من الرحمان
كلمات. :. مى محمد
