ممنوع اللحمة . بقلم الشاعر القدير * مصطفى يونس
القصيده/ ممنوع اللحمه مع القولون
أقسم ماراح أكل
لو ربع جرام من شيء حيواني
لو كان الضاني
ودا حلف صعيدي
والعالم يعرف جدي وسيدي
من أصل صعيدي
لو قال
يخرب بيت أمك
يااللي ما تفهم
أنا كنت بااشعبط
وبصارع كل أشجار التوت
يعمر بيت أمك
يصلح حال أبوك
وف بيته أبوك
ودا حلف صعيدي
إيدك وف ايدي
راح نفهم قصة لحم زمان
فاكر ولا أحكي
لما أنا كنت احبي
وبترعي وجنبي
برسيم والخضره
بوشوشها النضره
والشمس تزغزغ نن العين
والبسمه الصافيه
ودا كله دا فين
فين صحه وعافيه
فين قمح يوميها باعوه بالدين
فين طبخ زمان
خرب القولون
وعصاره الصفرا
ماعادتشي دي نازله
خفف موش لازمه
تكبر دي الازمه
راح يبقي الضغط
وتعاني السكر
أرجوك لتفكر
ممنوع اللحمه مع القولون
واحلف ما ح تأكل
راح تلقي مشاكل
ماالعلف المصنوع م الرجلين
فين زبد الطين
فين فرخه بتكبر قول ف يومين
من فرخ زمان
نستني البيضه بروشت ياادوب
بعد الشهرين
فين قمح زمان
بالرش زراعه حديثه اليوم
جابت قولون
أحذر م العيش البلدي وحاذر
والشامي مهازل
لا أرضي ولا اتنازل
ماالعيش الفينو دا زاده محاسن
وانا قاصدي محسن
سرطان دا أكيد
خلينا ف شعير الأرز البلدي
والورد البلدي
منه المصنوع
واللحمه إن كانت فيه قولون
دا أكيد ممنوع
وفراخ ممنوع
من حقن الأم مع المولود
أقسم ما راح أكل
لو ربع جرام من شيء حيواني
ويدوقه لساني
أحفظ قولون
لو فيه شيء باقي
أقسم ما راح أكل...
كلمات الشاعر مصطفى يونس
