يا قلبك . بقلم الشاعر القدير * معوض حلمي

.....  ياقلبك  ..... 

رغم صدي وبعدي عنك

لسه حبي جوا قلبك / ياقلبك

لسه نهر الشوق ماليكي وليا شدك

دا الغلاوه تجيب غلاوه

والقساوه مني ليكي عادي عندك

ياقلبك

وانا في المشاعر مش مخادع

قلت لك انا قلبي بايع

وانتي كدبتي القواله وقولتي راجع

إنتي ليه غاويه المواجع

ولا مات إحساس مشاعرك / ياقلبك

انا ضعت مني في السفر

وغصب عني الشوق نفر

وبعت مرسال بإني رفات بشر 

بالمختصر إحساسه تاه

نهاره ليل خاصم ضياه

عشان تعيشي انتي الحياه

وتحسي حالة الإنبهار

وجاني ردك بإختصار 

إزاي يموت الحلم  في القلب الخضار

وانا لسه زارعه الورد في الأرض البوار

واتوضي ريحتك في المنام

واحلم واضمك

لساكي سارحه في الخيال 

ومصدقه الأوهام وظنك 

ياقلبك

......................................

بقلمي الفلاح الفصيح

معوض حلمي

منشأة بطاش

تمي الأمديد

دقهلية