خليها على الله . بقلم الشاعرة والأدبية * سناء العاجز

خليها على الله 

بقلم: سناء العاجز 

سرقوا حلمي

سرقوا فرحتي

زوروا امضتي

شفت بعيني الغش مالي المكان

وهتقول لمين ولا لمين

ماهو كله إتضح وبان

ولا نقض ولا محامى ينصرك 

قالوا انتي مين وسطهم

بالمال تاخدي مكانك

انتى مين بتخدمي وتحلي مشكلات

بتجري وتسعى وتجبري خواطر ناس

ماهو المال أسرع طريقة لحل كل المشكلات

خليكي فى بيتك واتفرجي  والزفة ماشية

هي هي من زمان تغيير بسيط والسلام

عارفة كله مصالح والبحر مالح وانا ولا فالح

بس اوعي تزعلي ولا تفكري

ربك ابعدك عن كل هم من الهموم

ولا ساكنة فى قصر ولا بدروم 

يلا افرحي ولا كلام ولا سلام

ولا نائبة فى البرلمان