البحر بيضحك ليه . بقلم الشاعر القدير * هشام سليم
البحر بيضحك ليه
وأنا نازله ادلع املا القلل
قايلين للبحر إيه
دنا قلبي والله مليان علل
البحربيضحك ليه
وأنانازلة ادلع املا القلل
البحر ضحكته سخرية
من اللي عايز حرية
البحر حر ومابيسألش
عن اللي خبط كده ف الحلل
البحر بيضحك ليه
وأنا نازله ادلع املا القلل
بيني وبين أحلامي قضبان
وقلبي عاشقك واهو غضبان
نفسي يامصر وأنا فرحان
أعالج فيكي كل الخلل
البحر بيضحك ليه
وأنا نازله ادلع املا القلل
يامصر عمدانك فاسدة
كل الخلايق ليكي حاسدة
غلابة فيكي تسف تراب
والفسدة ليه عايشين ف فيلل
البحر بيضحك ليه
وأنا نازلة ادلع املا القلل
بحبك ليه أنا مش داري
مع إني عايش ف مجاري
يامصر جنيتي أفكاري
وورد قلبي م الهم دبل
والبحر بيضحك ليه
وأنا نازله ادلع املا القلل
نفسي أشوفك ف العالي
يامصر سعدك يحلالي
دا اللي يعاديكي يدوق الويل
وربنا يبعتله شلل
والبحر بيضحك ليه
وأنا نازله املا القلل
هشام سليم
كنج العربي
شاعر الحرافيش
الإسكندرية. مصر
