مش هسألك . بقلم الشاعرة القديرة * صباح الجداوي
مش هسالك
مش هسالك لو جتني يوم سالتني
مش هسالك مين السبب كان في البعاد
ولا هسالك سبب العناد
لكن اكيد اللي حصل صنع الإله
اكيد له حكمه في بعدنا
اصلي أنا دائما بحس بكل شيء
من غير ماتتكلم تقول
أنا قولتها وعرفتها انك لقيت اللي قلبك حبها
أما أنا كنت يمكن زيها في شكلها أو وصفها
أما الحقيقة أنها هي اللي كنت بتحبها كده من زمان
كده تمام انسى بقى انسى خلاص انسى اللي كان انسى حياتي كلها
أما أنا فنسيت خلاص نسيت حياتي كلها
نسيت معاك قلبي اللي مات من ظلم قلبك وقتها
ايوه عرفت أنا كنت لعبة وقتها
كنت العبور لحبك انت وحبها
مش قولت لك مش هسالك
شعر (صباح الجداوى )
