حماتي . بقلم الشاعر القدير * عبد الله رجب أبو عدنان
حماتي.
بقلمي عبدالله رجب ابوعدنان
بحب حماتي وف عنيا شايلها
من غير ما فكر على جبينها ابوسها
زي أمي ف حلاوتها وطيبتها
وزي النسمة الحلوة ف طلتها
عمري ف يوم ما ادوس على طرفها
يآرب بارك فيها وكتر فرحتها
مهما أكون مضايق تطمني ضحكتها
الويل كل الويل لو تفكر تظلمها
هيا سبب هنايا دايما ماشي ف سكتها
مين يضاهيها ف مكانتها وغلاوتها
يا حماتي بحبك وبعيد عليكي
تفضلي جمبي ربنا يخليكي
لو طلبتي روحي أنا افديكي
قوليلي يا حبيبتي ازاي ارضيكي
أمي التانية وحبها ف قلبي موصوف
مش جبروت ولا قسوة أو خوف
لو غابت يومين قلبي عليها ملهوف
الطيبة والحنية ونظرة كسوف
ربنا يديم المحبه والمعروف
أضحي تحت رجليها ب أحسن خروف
دي حماتي يا عالم سلامة الشوف
حماتي
بقلمي عبدالله رجب ابوعدنان
