يا ناسي . بقلم الشاعر القدير * جمال محمد الشيمي
يا ناسى
انا اللى بشكى من قلبو الحجر
وهجرنى وحول حياتى ليل
وانا اللى فاكرك دايما
وبحكى فى هواك مواويل
ولما النسمه تعدى
ابعت لها ودى
وسلام وكلام يهد الحيل
* * *
احنا جمعنا القدر
وعرفت قلبك حجر
ونحت اسمى فيه
وباول طلعة فجر
تركت لى المناديل
* * *
وانا من يومها بعانى
واشكى لكل خلانى
وحتى جيرانى
سمعو انين الليل
* * *
طب قولى ايه ذنبى
من كل قلبى
هشكيك لربى
واشكى قلبو الحجر
* * *
لوحتى زعلتك
او لحظه عاتبتك
او حتى خاصمتك
تروح وتنسانى
وتمسح مكانى
وكل الامانى
واسمى وحنانى
* * *
طب حتى كلمنى
او مره عاتبنى
او اسال يومك عنى
طب ليه تعشمنى
وليه بتحرمنى
قلبك حجر
* * *
ولسه اسمك حبيبى
وانت دوايا وطبيبى
وضلتى
وبسمتى
ومظلتى
بوقت السيل
* * *
بزمتك ناسى
انك اهلى وناسى
ياابو قلب قاسى
نورلى الليل
* * *
انت مرسوم فقلبى
وعيونك حته منى
وشمسى وضللى
وعمرى وكللى
عايش عليل
* * *
وانتى اللى عايشه
جميله وطايشه
بقربك وفرحك
وبعدك وجرحك
موريانى الويل
* * *
وحشتنى عيونك
وتسبيل جفونك
وورد خدودك
وسهم رموشك
وريحة قدومك
من شعرك
لضفرك
ورد الاصيل
* * *
ازاى انساكى
وقلبى معاكى
وعمرى بهواكى
كان غنى ومواويل
* * *
مش برضو حرام
كل الغرام
يتبدل ملام
وهجر وظلام
لو حتى انا الغلطان
تسامح كمان
زى زمان
مانا كنت بسامحك
حتى اسال قلبك
اهو شاهد عيان
* * *
ولاانت نستنى
وبايدك رمتنى
بكلمه فاتتنى
او لحظة شطان
ومصدقت تنسى
وتتقل وتقسى
وفاكرنى هنسى
حتى الملام
* * *
عمرى مانسيتك
بقلبى داريتك
حنانك وبيتك
بيسال عليك
سكنتك جوايا
بفرحى بهنايا
عايش معايا
وباحلا كلام
* * *
مهما خاصمتك
ومهما عاتبتك
هتفضل بقلبى
وانت حته منى
وخايف عليك
تعالى ياناسى
يابو قلب قاسى
وانسى الخصام
وقلى سلام
-----مع تحياتى كلمات جمال محمد الشيمى ---وتحياتى لكل الاخوه والاحبه -وكل عام وانتم بخير
