كل ده . بقلم الشاعر القدير * محمود فوده
كل ده
لسه مستنيك تردي على قلبي عاشق يوم هواكي
في الحياه لو كنتي حبي ليه تبيعي اللي دواكي
لسه مستنيك تردي أيوا ردي
على الروح اللي ياما في حبها سهرت معاكي
على الدمع اللي ياما نزفه قلبي قدام عنيكي
مفيش ولا حرف ولا كلمه بقول هى اعز الناس
تدل عالحب اللي بينا لسه باقي دا كان أساس
نسيتي حتى همساتك في نظراتك في كلماتك
بقيتي مرايا جوايا بمليون صوره ويايا
بشوفها كأنها روح تواسيني لو بانت
حكايتك ليه بالف حكايه وروايه
تغيبي وتبعدي عنى
يكنش الحب دا نهايه واقول اخرتها هتسبني
دليل يا قلب اللي حبيتها تكون ماتت
ومات الحب جواها وياما كنت بعشقها وبتخوني
ولو جت مره اسألها تقولي يا حبي يا منايا
مفيش غيرك مجنني
يا قلبي
بلاش تحكيلي على ماضي معاد يهواك
هتتعب بس ع الفاضي مادام عايشه ونسياك
مادام راضيه بذل وقهر من يومها ولا شرياك
بلاش تبكي على روحها يا قلبي قولتلك بيعاك
وبيعه الحب من يومها ولا بيلزمها في غصونها
دي شجره وطرحها معيوب في ظلها حتى مش حمياك
ياريت تنسى اللي حبتها وتقفل صفحه ما طويتها
كفايه زورت يوم بيتها وسكانها وحبايبها
وكانت الفرحه من يومها مهش سيعاك
لمست كل شئ فيها لكن من يومها ما لقيتها كأنها حلم
وعاش جوايا يتعبني لانه في وقتها سعدني
ولما احكيلها على حبي تقول حساك
معادت فيها تعشقني وتحلم انى أرسمها
في جنتي هى أحلا ملاك
يا قلبي قولت لك داست مصدقتيش
خلاص مش باقيه على حد ولا فكره اللي بينا بجد
قالت حبك دا وجع القلب بقولهالك متلزمنيش
خلاص دوسي عاللى عاش وياك في دنيا
قولت فيها بعيش
بس اوعي تانى تفكري إن الحبايب
مش كانوا عايشين والسلام
بالعكس كانوا بيسألوا وياما عليك اطمنوا
لكن أنتي ليه ديما بقلب معتش يعرف
فيها إزاى يرد لنا السلام
دا عاش وبياع في الكلام الكل عاوز يسعده
وهو قاصد في الخصام
الكل يتمنى الرضا لو تتقضى لكن الحقيقه مش كده
الحقيقه شايفه حبك كان هيوصل للمدى
والحقيقه ان قلبك مات وعايشاها سُدى
ياللي فكره ان لسه العهد باقي
إن لسه الحب بينا يبقى مرسى للقلوب
دا كان يدوب طريق وبنعدي عليه من ليل طويل
لنهار وطالع فجره شقشق للربيع
هيعيش ويحلم فيها تاني في حلمه مش هيكون اناني
مع قلب يتمناه يحقق له الاماني ما ينسانيش
من ديوان دار الزمان
بقلم الشاعر محمود فوده
