دخلت البار . بقلم الشاعر والأديب * هشام سليم
دخلت البار
صاحبت ييجي مليون خمّار
أثبت لنفسي إني حمار
وعملت زار
لجل اتخلص من حبك
حبك كان استهتار
طعم المرار
شريت النار
مليت قربك
رحت لشيخ وعالم حافظ الكتاب
فتحلي الباب
قلبي اللي خاب
م الحب داب
شعري قبل أوانه ابيض شاب
وإنا لسه شباب
ببخور جاوي
عمل حاوي
وباختصار بدون أعذار
قاللي انسي تبيع الحب
حب ملك نبض القلب
ابن كلب
حالبك حلب
لو قلبك صلب
مش حتعود
كل مخرج ليك ياولدي
مسدود مسدود مسدود
هشام سليم
كنج العربي
شاعر الحرافيش
الإسكندرية مصر
