انا الغدار . بقلم الشاعر والأديب * عبد الله رجب أبو عدنان
أنا الغدار.
بقلمي عبدالله رجب ابوعدنان
لفيت شرق وغرب
ضيعت عمري ما بين حب وحب
وكان قدامي طيبه القلب
وانا الساهي أنا الغدار
حبيت البيضة و السمرة
البدوية والفلاحة والشقرة
وف كل همزة ووصلة
وهيا بتحبني كما الإعصار
بتحضني وقت ألمي
وتلملم جراحي و حزني
وانا الايام منها تاخدني
وادي لنفسي أعذار
نظرة عنيها تحاوطني
وبحنان قلبها تضمني
وبضحكة حلوة تبادلني
عزة نفس و إكبار
نور بينور طريقي
بتحبني حب حقيقي
زي الدم ف عروقي
وعلشاني ترمي نفسها ف النار
خادتني الدنيا و بلاويها
ولامرة سمحت لقلبي يفكر فيها
وف لحظة حسيت اني غريق
كلهم سابوني وسط الطريق
لقيت قلب أبيض بريء
بيشيل عني الأسى والمرار
خادتني بين دراعتها وسامحتني
ولا مرة هنت عليها وجرحتني
وف ليل الأحزان تفرحني
بتعشقني و العشق مرار
لكن أعمل اية ف طبعي
مانا الغدار
أنا الغدار.
بقلمي عبدالله رجب ابوعدنان
