مبعرفش اكذب . بقلم الشاعر القدير * عبد الله رجب أبو عدنان
ما بعرفش اكدب.
بقلمي عبدالله رجب ابوعدنان
كل ما حاول اكدب عليكي
تفضحني عنيا وتناديكي
ولما عنيكي تيجي ف عنيا
أنسى الزعل والاسية
ولية لأ مانتي كل حاجه ليا
وبحس بالراحة وانا بين اديكي
يمكن لأني ما بعرفش اكدب
واللي بينا أكتر من حب
مانتي عاجناني و خابزاني
وف كل مكان شايفاني
حتى لما الجلالة بتبقى واخداني
تضحكي وعارفة إني ليكي
عمرنا مع بعض اترسم
حبي وحبك اتقسم
واتوزع على كل الخلايق
ولو ف يوم كنت عايق
عالي المزاج فايق و رايق
يا حبيبتي الفضل يرجع ليكي
تكبري فيا قدام الناس
علمتيني معنى الصدق و الإخلاص
مانتي أصل الحياة
رغم الوجع و ال اة
تداري دموعك والهم تنساة
وتضميني بحنين
وحب كل العاشقين
من غيرك أنا مين
يا حبيبتي ربنا يخليكي
ما بعرفش اكدب.
بقلمي عبدالله رجب ابوعدنان
