لحظة حب . بقلم الشاعر القدير * جمال محمد الشيمي
لحظة حب
انا اللى سجلت بالقلم حبك
وسحرك وهمسك ونبض قلبك
ومشوار عمرك وليل اغانيك
انا اللى صورت احلامك واحساسك
واهاتك وكل اللى مخبى فيك
البسمه منك شمس بتطلع فيك
والهمسه بتصحى قلبى اللى ميت فيك
والكلمه منك جرة ندى
تروى جذور المحبه ليك
اااااااه منك-ومن لياليك
لما نتبعد اهات الشوق
بتولع وتنور طريق لياليك
ومراسيل تفضل جايه ورايحه
بلهفة شوق وخوفى عليك
ولما تنادى مرة باسمى توصلنى
باغانى كل العاشقين المغرمين
مكتوبه على جدار لياليك
اااااه منك -ومن لياليك
ياابو الغرام الحلو ياسمر
وكل لون العاشقين فعنيك
وكيف اوصف عيونك
والبرق ومضه ليك
اجمل من البدروشك
والشمس شمعه فيك
اااااه منك - ومن لياليك
نهارك ورود وغنوة ربيع
وريحة المسك من خطاويك
الصبح صوتك بلابل عالشجر
والمغربيه كروانى ساكن فيك
تعالى نوحد ميدان العاشقين
ونكتب اسامى المعشوقين تحتيك
ناشر عيونى عالطرق تونسك
تنتظر قلبى اللى ساكن فيك
بشرة لقانا هلة عيد
بلحظة حب من حروف اغانيك
تحياتى لاحبابى واصدقائى وخلانى شعر جمال محمد الشيمى وكل عام والجميع بخير
