حاجة غريبة . بقلم الشاعرة القديرة * منى محمد
حاجة غريبة
ليه دايما بناديك
وأصحى من نومى أدور عليك
ولما الدنيا تقسى عليا
إنت وبس
اللى أجرى عليك
حاجة غريبة
ليه الضحكة من غيرك محسهاش
ودقة قلبى مسمعهاش
وليلى ونهارى سنين بتجرى
وعمر ضايع متهناش
حاجة غريبة
ليه لما تنادينى ألبيك
ولو زعلان منى أراضيك
وأخاف عليك م النسمة
وجوه رمشى أخبيك
مش عارفه ليه شاغلنى
وفى إيدك مفاتيح حلمى
بأمر منك يتحقق
ولو بعدت عنى تقتلنى
حاجة غريبة
إشمعنى إنت دون الناس
إمتكلت فيا الإحساس
خليتنى أشوفك حواليا
فى وشوش كل الناس
مني محمد
