ظلموكي ياست الكل . بقلم الشاعر * محمد حسنين
ظلموكي ياست الكل
يانرجس ويا الفل
يامهنيه يامهنيه الكل
سعاده ومين يسعدها
اللي تربي ولادها
واللي تخبي ألامها
واللي هدف قدمها
بيتها ومحبتها
بتعيش بقليله
زوجها بتشيله
وف عز الازمه
بحبيبها تناديله
ومالي احلامها
فالغيط والبيت وياه
وتملي واقفه معاه
وبقوتها بتشد قواه
والفرحةبتديله من احزانها
بتديك قلبها وعنيها
بتسهرلك طول لياليها
بتخليك غنوه تغنيها
مش ممكن يوم باديها
تقتل او تاذي او تدي باديها سم
بتسأل وبتجري وتغني وتلملم
لولادها الحنيه بتزرع ولزوجها تهندم
القلب الطيب الحبيب قد مايحلم
قلبها بيدق بحنانها
انت بتسأل ازاي تقتل
مش ممكن ابدا يحصل
قول يمكن هي بتتغزل
اسأل ازاي كدا يحصل
ايوه دي هي احوالها
مش ممكن تبقي العمله بوشين
تحبل وتجيب بنات وبنين وبنين
وتربي وتسهر سعات والناس نايمين
وتكبر وتعمر وبتبني بيوت لزوجين
انتوا ببتكلموا علي ناس تانيين
مين بدل بالقسوه حنانها
بقلمي/
محمد حسنين
عاشق طين بلدي
