قلب أمك . بقلم الشاعرة القديرة * أ. مشيرة النقيب
(( قلب أمك ))
بكره تعرف إن بيتك
مش منَوَر إلا بيا
وإن كل الخير في قلبه
كان ببركة من إيدَية
بس إوعى ساعتها تكذب
تيجي وتعيط عليا
أصل مش م الحزن دمعك
لأ .دا من ندمك عليا
***
((بكره تندم))
لما تيجي ف أزمة تطلب
حد يدعيلك بقلبه
قلب تبقى الدعوة منه
وف ساعتها تروح لربه
قلب أمك هو كنزك
هو كل الخير لوحده
***
بكرة تندم ع الدقيقة
سِبتها تبكي ف بعادك
بكرة تبكي كل لحظة
حنب منها الوقت فاتك
إنت فاكر لسه بدري؟
وان فيه وقت لعنادك
إصحى يابني الأم دوغري
ماشية والبركة ف حياتك
ظل أمك كان في بيتك
شمعة بتنور حياتك
***
((بكرة اموت))
وساعتها تفرح
إن بيتك ليك لوحدك
راح تفكر إن بَعدي
راح تلاقي الراحة عندك
بكرة تندم لما تعرف
إللي ماتت هيَ سَندَك
وان ضمة وحضن منها
كان بيمسح كل ألمك
شوف ياإبني""
مهما تبكي ""
مهما تندم ""
رغم حٌبك ""
مش هسامحك
بقلمي
أ.مشيرة النقيب
24/7/2021
