طبيب منحرف . بقلم الشاعر والأديب * د.محمد حلمي البراجه
طبيب منحرف
يا طبيب الناس...راح فين الاحساس ....
الطب مهنه لها اساس..... لازم فيها تكون قياس
لحال كثير من الناس......
عامل نفسك مداس..... لشركات اصبحت لها نخاس ...
بقيت خلاص كناس..... لصحه ومال الناس ...
تركت المريض محتاس....سقيته مر الكاس.....
يشكيك لرب الناس......
ناسي رب السماوات .....قاعد تنفذ تعليمات.....
عندك من شركات........ تكتب لها علاجات ....
وتحذر من التبديلات......علشان تاخد عمولات ...
وتوفر للمدام اجهزه مع شاشات....... تحضر معاهم مؤتمرات يتعلق لك لافتات......و تروح تصيف في الشاليهات .....
ترجع ومعاك تكييفات.......
وقت الكشف دقات ....وتاخد من وراه ساعات
وتراضيه بعلبة عينات.....تاريخها قديم وفات
وتدخل المريض متاهات.....طالب تحاليل واشعات
لك مع اصحابها حسابات......
وتحول علي مستشفيات...خلت الناس في مديونيات
متعرفش حاجه عن الرحمات..........اللي عايش فيها زي اللي مات......مرهون في التلاجات..... لما اهلك يدفعوا الحسابات
والسبب كان كليات........خرجت لنا كتير عاهات
متعرفش غير كلمة هات.....
صرخه المريض بقت صرخات .....فيها منك كتير آهات
كلها عليك دعوات ........طبيب ويسبب لنا ازمات....
علي الدنيا خلاص سلامات .....والضمير في ذمة العمولات...
الصيدلي الشاعر
محمد حلمي البراجه
