كلامو الجارح . بقلم الشاعرة القديرة * مى محمد العطار
جاى يراودنى عن احساسى
بكلامو الجارح والأسى
بيقول خليتى حياتنا ماااسى
وإن بعادك خلانا في نار
بقوة صوته قابلته بدمعى
اللى بيشهد المى ووجعى
فكرته بجبروته وضعفى
وبخداعه خلانى أنهار
بدمع عيونه قال ندمان
مش معصوم وانا انسان
غصبا عني ودك هان
وكل يومين يلاقيلى اعذار
غلطاتك زادت أو كترت
من كتر سماحتى ايدى فلتت
غصبن عني سيبتها غرقت
حتى اعصابى صبحت في ضمار
قالى انفعلى وهسيبك
خدى حقك أنا لسه حبيبك
بس خلينى في تفكيرك
اوعى تسيبى قلبى محتار
لو هنتنى مادرشى اهينك
بحق العشرة بينى وبينك
مهما بعدنا بردو هصونك
لازم أبعد وانسى الدار
اوعى تقولى قرارى سريع
فكر إيه خلانى ابيع
لما قسيت خليتنى اضيع
مش هادر أسمع اعذار
بتشوف غلطاتك إنها حقك
لكن طاقتى مش حملك
بعادك كان هو هدفك
وإنت بدأت المشوار
إنت اخترت طريق البعد
وأنا سهرانة في ليالى اعد
دلوقتي جاى بتقولى ندمت
سيبنى أنهى مشوارى بقرار
كلمات. :. مى محمد العطار
