كنت عايش . بقلم الشاعر القدير * سيد عبد العظيم
كنت عايش قبلك راضي
فكر خالي.. وقلب فاضي
لكن فجأه ظهرتي قصادي
حسيت رجلي مش شيلاني
غاب الوعي عني...... ثواني
أتاريني روحت... لعالم تاني
فيه الدنيا .....مش سيعاني
وإبتدي قلبي معاكي يعاني
بدأ القلب تزيد دقاته
يسهر ليلُه.. ويّا آهاته
ويحيرني ساعات ب سكاته
أعمل إيه... وأنا دايب فيكي
من ساعة ما لمست ايديكي
بس ياريت إنتي ترسيني
علي برّك..وتشوفك عيني
يا تقربي مني... تواسيني
أو تبعدي عني.. وتنسيني
تحياتي... سيد عبد العظيم
