فاضل ايه . بقلم الشاعر والأديب * محمود فوده
فاضل إيه
خلـص الكلام لســـه فــاضـــل بينـــا إيــــــه
مـــات الغــــرام اللــــي عيشنـــا يوم عليـــه
ليـــــه تسألـــي ع الذكريات دا شئ وفـــات
كان كلــــه مــات لما فكـــرتـــي تبعيبــــــــه
----------:---------:----------
هتفيـــــد بإيـــــه حبــــة صور مع ذكــريات
علــى صوتك اللـــي قلت دا صوت المـــلاك
الورد اللـــي رويتـــه روحــــي شكله مـــات
بنــدم عشان حلمـــي بنيته يــــوم معـــــاك
----------:---------:----------
حضنك دا ولا كان كابــوس جــاى ف المنام
حاسس كأنــــه حلــــم عيشتــــه في الغرام
كل اما افكـــــر فيـــه كأنـــي عايش وحيـد
وعيـونــــي تبكــــي وتتقهـــر إنـــــه مـا دام
----------:---------:----------
كـــم مـــره قولت انك هتمشــي وتسبينـــي
تقوليلــي لا لا يا حبيبــي يـــا ضى عينــــي
بقــــى مستحيـــل العمـــر كلـــه نفتـــــــرق
إنت الحيــــاه ويا الامـــل من هيواسينــــي
----------:---------:----------
انا بســـــأل القـــلب اللـــــــي حبيتـــه وباع
إزاى يكــــون الحب فيــــك ويا الخـــــــداع
القلب عمــره ما يسكنـه الحـــب في يـــوم
ولا لحظه بعــــد الحب يعشــــقه الضيــــاع
----------:---------:----------
لـــو كان طريــق الحب نــــور قـــدام عنيك
ليه تخلفيـــه واليـــأس هو اللــــي يواسيك
طريقـــنا عمــــره فـــرشتهـــولك بالحنــــان
إزاى تخــــوني ولســـه قلبـــي بين إيديـــك
----------:---------:----------
عمـــــر اللـــي حب وعــــاش يحبـك للنهايه
يجـــــرح حبيبــــه بكلمة حتــــى لو كنايــه
ليــــه بس ليـــه انا بسألك خــلص الكــــلام
مع قلب عاشــــق همستـــه فيـــه م البدايه
----------:---------:----------
فيـــه ألف غيــــرك بس قلبــي مش ناسيك
دورت فـــي كل العيـــــون ليــه مش لاقيك
رغـــم اللــي عيشتــه حلمي عمــري أكملــه
ولَّا ف كابــوس لما روحــــي دي بتنــــاديك
----------:---------:----------
من ديوان دار الزمان
بقلم / الشاعر محمود فوده
