ولا 1000 اه . بقلم الشاعر القدير * سيد عبد العظيم
ولّا ألف آه
تداوي جرح
ولا بسمه باهته
تتسمي فرح
لما يكون..الخوف مالينا
والحزن جوانا طوفان
لا حبيب بيسأل علينا
ولا عاد في عطف وحنان
سهران معاك يا ليل
ب أشكي إليك وحدتي
والقلب مني عليل
عايش تملّي ف غربتي
حتي القمر غايب
فارقنا زي الحبايب
لا ضيو عاد يواسينا
ولا عاد بيسأل علينا
و لحد أمتي ياليل
هيطول معاك السهر
و يبان حبيبي ياليل
أو حتي يبعت خبر
قلبي شاغلني عليه
مشتاق تملّي ليه
و هو مشغول ب إيه
ب أشكيه إليك ياليل
وصل له مني رساله
أوصف له حالي ياليل
وقول له يلّا تعاله
خليه يحنّ علينا
ويعود ويسأل فينا
ويدوّب الأشواق
قله كفايه فراق
مشتاق معاه لحكاوينا...
تحياتي...سيد عبد العظيم
