قصتي ويا الأحلام . بقلم الشاعرة القديرة * مى محمد العطار
قصتى ويا الاحلام
من وأنا عمرى خمس سنين
كانوا بيقولو دى طالعة لمين
خفة وطعمه وشكلى جميل
حاسبو عليها داروها م العين
براحه عليها دى منها قليل
قلت لنفسي أنا منى قليل
مدحتنى ماما قالت مواويل
يامنايا ياسعدى الثقة دى منين
دى ثقتقم صحت فيا الروح
أنا هتحدى وكلى طموح
احلامى هبنيها واعمرها
بذكاءى عمرى ما ادمرها
احلامى جريءة وبريءة
في ظلامى بلقيها مضيقة
هبنيها وع الكل هنادى
حلمى قلبته حقيقة ادامى
لو كل العالم وقفو اصادى
هحلف ادامهم بحياتى
لو احلامى مشروع وعميق
هحفر مش راح أمل واضيق
هحفر وأنا فرحانة ورايقة
مش هتعب ولا اقول مدايقة
مشوار عمرى هو احلامى
هوسع اى طريق ادامى
لازم اتخطى أى حدود
مش راح اقول دا طريق مسدود
هبنى حياتى بكل سعادة
وافرح واجرب كالعادة
مش تجربة واحدة هجربها
مش محتاجه دعم ويحبطها
عمرى ما أحس ان أنا مدايقة
واحلامى هبنيها واعمرها
كلمات : مى محمد العطار
