الناموسة . بقلم الشاعر والأديب * اسماعيل مصطفى
الناموسة*
الناموس عامل عمايله
ع الهدوم نازل يمص
هوه دمي فيه حكايته
واللا موصوف له بنص
قلعت توبي في ليلة حامية
والهوى عن رسمي طس
جت ناموسة قادرة دامية
زنت الزانه لقيتها رص
أعمل إيه واللسع دامي
توهتني بفكر تاني
والحروف دمعات ثواني
طخطت ايدي ف حيطاني
دمي سال واهات تلالي
أعمل إيه وانا دمي حر
حرحرت فينا الغوالي
بعترت دمي ف حواري
ضيعت فكري في جواري
والكلام ماعاد يخص
الناموسة نومستني
طرقعت كفي بوداني
قولوا عني حروف سابتني
أو ناموس فكري هواني
زغرتط جسمي بمكاني
زنزنت حرفي بزماني
مصت الدم وقلت ياني
الناموسة دي جاموسه
فاكرة دمي عيد عروسة
والكلام أناتي حوسة
الناموسة دي فعوصة
والاهات من شوكها بوسة
آه يا لسعات الناموسة
الناموسة * عامية
بقلمي /إسماعيل مصطفى
