ياللي نسيتني . بقلم الشاعر القدير * عماد حموده
ياللى نسيتنى
قولى ازاى اقدر أنساك
امنع نفسي ازاى عن حبك
ابعد فين واروح من قلبك
وأنا بتنفس عطر هواك
حبك اصله ماكنش بايدى
أنا مغلوب على أمرى ياسيدى
بحلم بيك وبفكر فيك
ليل ونهار وأنا بستناك
مش مستنى أى مقابل
ولا نتواعد ولا نتقابل
أنا طمعان في احساسك بيه
وإن يكونلى مكان جواك
ياللى زرعت الشوك جوايا
ياللى بقيت لجراحى دوايا
مش محتاج اكتر من حبك
ولا ينقصنى إلا رضاك
كلمات ،:. عماد حموده
