متسافرش . بقلم الشاعرة القديرة * مي العطار
متسافرش. ياحبيبى.. متسافرش
متسافرش الغربه خاينه متغامرش
انت عندي بمالها كله متسافرش
هعترف انى بحبك حتى قلبي بيك منمشي
متسافرش لو بإيدي يا حبيبي مش هتمشي
محتجالك تبقى جنبى يا عمرى كله....
متسافرش انا محتاجه لحضنك وضله
من فيها اللي هيبقى جنبى. وانت غايب
كل احضان الحبايب جنبك انت متسندشى
لو مسافر خدني جنبك كل ثانيه
خلى شوقى ليك يآنس أحلى دنيا
الابتسامة تملى خدى وفرحه جايا
مش هتبقى لحد تاني مفتكرشي
متسافرش.. ياحبيبى.. ماتسفرش
متسافرش الغربه خاينه متغامرش
متسافرش.عشاني فيها ماتسفرش
خد منى اشواقى وحنينى والغرام
إبعتلي اشواقك تواسينى في المنام
مهما تبعد هتنادينى قلبي حاسس
إوعى تنسي انى بحبك متكابرشي
الحياه ليه بعدك تشبه الليل في السكوت
قلي لو كان فيها سعدك هى عندي بالف موت
لو مصمم ع السفاره سيبلى وعد يكون امارة
مهما كانت البداية قلبي قالهالك مخانشي
سيبلى كلمة اتمسك بيها وتبقى ليا
وابنى عمرى ليك عليها مش شويه
قولى فيها مهما تبعد إنت ليها
ولا ناوي يا حبيبي ما تفتكرشي
متسافرش ياحبيبى.. ماتسفرش
متسافرش الغربه خاينه متغامرشى
انت عندي بمالها كله متسافرشى
بقلم مي العطار
