نغمة لهوايا . بقلم قيشارة الشعر العربي * نادية ابراهيم
لا كل من كتب شاعر
ولا كل من غني فنان
وانا ياعين للشعر حالة
ولبحورة اجد الموال
دلوني فين القافية فين
طب كنت اقول ياجميل
حس المشاعر عندي دول
ادور علي تنهيدة تشجيني
اكتب بدندنة اطرب محبيني
طول يومي بنتج كلمات
تجيني بلحن علي هوايا
الحق ادون بكراسي
واجيب لحن علي مقاسي
ياعيني لما اللحن يسبق الكلمات
وكل حرف له بالوزن حكاية
كل بيوت الشعر تجتاحني
اختار وابعد عن جرحي
وتيجي النغمة مستخبية
جواها حنيبن وشوق لبعيد
جاي يجري من غير مواعيد
تيجي ساعتها ليلي مراد
الله ياعيني دليلي احتار
ياقلبي اسبق باجمل ناي
وتعالي دندن لنا الموال
الله دة نغمة جاية من بعيد
تحلف تجعل قلبي سعيد
ساعتها بتسعدني بطلة
واكتب كمان بالقافية
الله عل الشعر الغنائي
بيطربني انا وذاتي
ومها الاقي كمنجاتي
تجيني دقة ورى دقة
ولما يهل المزمار
الطلة ياعم والهيبه
يالله ليل لنا كام اّه
وهات نغمة لهوانا
نسعد بيها حبايبنا
ونفرح دايما الغليين
ونبعث رسايل من نور
انا بيتي كله زهور
عيلتي واسرتي بتفن
ماشالله حاجة تجن
الكل يسمع كلماتي بيغني
ويلحن ويهدي لفني
اجمل لحن اّه ياسلام
بوسط الدنيا انا اّفن
حتي وانا بمشوار تجيني
نغمة علي هوايا
اجري عل الخاطرة اخطفها
قبل مانسي واروح اتجن
ياناس الشعر دة اّحساس
مش محبرة وقلم وكراس
وساعتها انسي الناس
دول هما اللي بيسمعولي
غناويا برتم جميل
ودايما هفضل اقول
ولا كل من كتب شاعر
ولا كل من غني فنان
ياريت يكون عاجبكم الاحساس
وكلامي يوصل لقلوب الناس
والاقي لحن علي مقاسي
كلماتي ...نغمة لهوايا...بقلمي قيثارة الشعر العربي ...نادية ابراهيم
