بلاش أوهام . بقلم الشاعر القدير / على الملاح
بلاش أوهام
.............
هنتفارق بلاش أوهام
وهثبتلك مع الأيام...
بأنى بخير قوى بعدك
وما ندمتش على غيابك
وقلبي عشان تعب سابك
وحل حياتي من وعدك
صبرت كتير وبتحمل
وقلبي عشان هواك كمل
وهدفك كنت تكسرني
خلصنا بناقص الويلة
فراقنا بدايته م الليلة
ومكسب ليا تخسرني
وبعد ما عيشت بيك جنة
وياما سهرت بتمني
وبحسد قلبي أنه اتحب
أدوق الجرح والعلة
دا لو كان حبي ليك ملة
أنا كافر بكلمة حب
أأمن ليك وتطعني
وبنصف فيك وتظلمني
خلاص رافض أكون مظلوم
هعيش الباقى من غيرك
وعارف إن تفسيرك
بأن فراقنا مش هيدوم
وإن كلامي أى كلام
لكن صدقنى مش راجع
هنتفارق بلاش أوهام
...........
#ابن_الملاح
