يا قلبي يا حزين . بقلم الشاعرة * هالة أحمد المسلماني
ياقلبي ياحزين.
ياقلبي ياحزين
اهدي عليا شوية
دور بين البشر
يمكن تلقى الحنية
ولا خلاص تعبت
من الظلم والأسية
رد عليا وقالي كبرت
عن سني والجرح هد فيا
مفضلش عندي صبر
والفرح عدي عليا
ما دخلش مره عندي
ليه كل الهم ليا
بشكي وبتكلم و
محدش سامع بيا
نبضي خلاص ضعف
والنَفس صعب عليا
والله بدق بالعافية
من ظلم الدنيا فيا
كل ما ادور على الفرح
ألقى الكل عليا
أرجع تاني حزين
ومحدش حاسس بيا
انا كنت ابيض وحنين
ليه كل القسوة ديا
حاسكت واقفل على
نفسي لآخر دقة ليا.
بقلمي انا هالة أحمد المسلماني.
ام فاطمة الزهراء.
