علي الصراخ جواك . بقلم الشاعر والأديب * على سعد
علي الصراخ جواك
يمكن يروح ألمك
ممكن بدمعة ندم
يغفر ربنا ذنبك
حامل هموم الناس
ولاحد شال همك
الناس تحبك ااوي
وانت معاها بقلبك
تقول عليك انسان
وترفع بالكلام اسمك
وتشوف الضحكه مرسومه
ووشهم يضحك
ويقولوا احسن جدع
راجل وشهم وبطل
ولما يجي الهم
والدنيا تقلب بيك
متلاقي غير الهم
وماحد جه يمك
ومفيش غير الهم
هوا اللي واقف وحضنك
مشيت جميع الناس
متلاقي غير نفسك
حاضنه الالم وياك
وتنادي فين الناس
فين الصحبه واللمه
مايرد فيهم حد
ولاحد يفتكرك
هي حايتنا كده
مصلحتي فين وأجيلك
خلصت مصالحي سلام
مكنتش فاضي أجيلك
خليك مع ربنا
وحده اللي حاسس بيك
ياريت تصالحه بقي
سيبك من المخاليق
بس انت قول ياربي
ينده عليك ويجيك
الشاعر علي سعد
عضو اتحاد كتاب مصر
