يا دنيا قوليلي . بقلم الشاعرة القديرة * مى محمد العطار
يادنيا قوليلى
يادنيا تعالى قوليلى
فيه بينا كام موضوع
أنا فيكى ليه بعانى
بصحى م النوم مفزوع
حكايات كتير تعبانى
والقلب صار مجروح
فكرتك كمان بيعانى
قولى الحكاية بوضوح
الراحه فين الاقيها
واخده القلوب تكويها
وجراحها بتنشريها
قبل ما اوجاعها تروح
يادنيا بلاش تقوليلى
ملخص المواضيع
لو ليكى ايد شدينى
أنا خلاص بضيع
لا راحة فيكى يادنيا
ولا جدعنة صديق
ياما قالو دنيا فانيا
ومسيرها يوم تضيق
فين الاحباب عليكى
ديما كانوا بين ايديكى
قالو كمان نفديكى
دلوقتى هما فين
سامعك يادنيا نطقتى.
دمعة عنيكى قالتلى
حزنك دا نقطة ضعفى
أنا كمان حزين
روحت اشتكى لدنيتى
وادور كمان على فرحتى
لقيت دموعها ياحرقتى
تطفى بحور نيران
يادنيا خلاص قولتيلى
ووصلت الرسالة
أنا هرضى بقسمتى
خلاص رضيت يخالة
كلمات. :. مى محمد العطار
