لن أنهزم . بقلم الشاعرة القديرة * ايمان عبد الله والي
....لن انهزم.....
أنا اللي طول عمري
بكتب وبقول كلام
لا فيوم لساني مل
ولا سلمت لإنهزام
بسمع لكبير وصغير
وبقول مافي ملام
ولما حد يغلط أقول
أسيبه للأيام
مهو كله سلف ودين
والإنتقام والله حرام
أما وجع القلوب
ده اللي مفهوش سلام
لا اقدر أسمي عليه
ولا أتحكم فى الزمام
مهي الأمور عدت بس
الجرح صعب الإلتئام
لكن وبكل إرادة
بقول لا للإنهزام
مش إنت اللي
هتكسرني وتخليني
عبرة للأيام
زي ما بعت فيوم
أكيد هتعيش نفس
الألام
وتتبدل حياتك فيوم
من نور لظلام
أما حكمي أنا فحكمت
عليك بالإعدام
خروجك من حياتي
غصب عنك وبالإرغام
ورغم كل شئ ليك
عندى كل احترام
مهو ولاد الأصول ما
يعيبوا وقت الخصام
وإن كان لك ذكري
عندى نسيتها
ونسيت الكلام
مهو إنت وصمه
فى حياتي وبقيت
حسن الختام
شاعرة الزجل
إيمان عبدالله والى
