رسالتي لبابا . بقلم الشاعرة القديرة * مى محمد العطار
رسالتى لبابا
الله يرحمه
يا معلمنى الباء والتاء
عمر الطيبة ما تبقى غباء
ببعتلك من قلبى دعاء
يوصلك بالرحمة يا غالى
يامعلمنى انى لا اعاتب
ولا اقسى على حد واعاقب
وإن الخير يبقالى صاحب
صورتك لسه ف خيالي
يامعلمنى انى ازور
ولا عمرى اشهد بالزور
قلت الحق طريقه النور
كل كلامك على بالي
يامعلمنى العمر ما اخاصم
لا أشجع خاين ولا ظالم
وإن الله بقلوبنا دا عالم
بتمناك تسكن في العالي
يامعلمنى حقوق الجيره
وف أخلاقى أبقى أميرة
حتى الغدر خطيئة كبيرة
ديماً كنت يا بابا مثالي
مهما تمر عليا سنين
بشتقلك وبكل حنين
ديماً روحى وعقلى حزين
شوفت فراقك بالنسبالي
يا معلمنى الباء والتاء
عمر الطيبة ما تبقى غباء
ببعتلك من قلبى دعاء
يوصلك بالرحمة يا غالى
كلمات : مى محمد العطار
