كداب حبيبي . بقلم الشاعرة القديرة * هالة أحمد المسلماني
كداب حبيبي
بقلمي انا هالة أحمد المسلماني.
كداب حبيبي في حبه ليا
الصدق مش طبعه وكدب عليا
خدني من إيدي لدنيا حلوة
سابني لوحدي وغدر بيا
كداب حبيبي في حبه ليا
ليه تبيعني وقلبي شاريك
بكرة تندم وترجع ليا
لقلب عشقك ووهبك حبه
وسقاك بإيديه عشق وحنيه
كداب حبيبي في حبه ليا
لف وعيش ودور وشوف
الأيام أهي رايحة وجاية
خسرت قلب من دهب عشقك
كان جزاؤه جرح وآسيه
كداب حبيبي في حبه ليا
ياخسارة حبي ليك ياناكر هوايا
حكايتي معاك تنفع روايه
يحكي عنها الكبير والصغير
وتبعت للعشاق هدايا
حبي كان حقيقى ليك
كان نفسي تحس بيه فيا
كداب حبيبي في حبه ليا
لا عهد صونته ولا وعد وافيته
وانا ولا لحظة من عمري نسيته
أحلى غرام في الدنيا هاديته
باعني وخاني وساب الجرح ليا
كداب حبيبي في حبه ليا
هدمت بايدك حب كبير
يتغنى على الربابة وينفع مووايل
كان محال البعد بل مستحيل
بكرة تتمني ترجع تاني
وتندم وتحزن ياقلبي عليا
كداب حبيبي في حبه ليا
ياحب كان ماضي خلاص وإنتهى
قفلت انا قلبي في وقتها
دقات قلبي بتنبض بإسمك
كتمت النبض بإيدي لها
ومسحت كل الحب اللي ليك فيا
كداب حبيبي في حبه ليا.
بقلمي انا هالة أحمد المسلماني.
