ناس و ناس . بقلم الشاعر القدير * خالد فاروق
(سمك 🐳 - لبن 🍼- تمر هندى 🍺)
" ناس و ناس "
▪︎الناس حدانا نوعين ... عايشين على الونجين
▪︎فيه وش زى القهوة ... وكتير قوى بوشين
▪︎وناس تشيل أسافين ... وناس تقول "آسفين"
▪︎وناس شرفها ف ثانية ... بتبيعوا ع السكين
▪︎وناس تروح حفلات ... وناس غناها سكات
▪︎سكات حروفه إتكتبت ... بين الآهات أنات
▪︎وناس دعاها مجاب ... وناس معاها حجاب
▪︎بتخاوى بيه الجان ... يتفرقوا الأحباب
▪︎وناس ولاد سلاطين ... وناس نفوسهم طين
▪︎ باصين لنا من فوق ... ويطاطوا للواطيين
▪︎يا ناس كفاية نوعين ... منكم، وبزيادة
▪︎ده الكدب أصبح كيف ... والغش بقى عادة
▪︎نصيحة خد منى ... مش أمر...إلاااااا ده!!!
▪︎ده العدل بين الناس ... خللى العبيد سادة
عجبى!!!
(خالد فاروق)
