هبعد بعيد * بقلم الشاعرة القديرة * ايمان عبد الله والي
هبعد بعيد ..
هبعد بعيد عنك
أكيد
يا اللي حبك كان
فى دمي والوريد
يا اللي صورتك
في حضن قلبي
مولود جديد
يا اللي همسك كان
لقلبي فرحة وعيد
هبعد بعيد
هبعد بعيد عن
قلبك الأسي
اللي باع حبي
وباع إخلاصي
ده أنا كنت
شيلاك بعيوني
وفوق راسي
ولما حد يقولي
بحبك ارد عليه
ده حبيبى هو
أنفاسي
هبعد بعيد
ليه تبعني وليه
هنت عليك
هو أنا ما كنتش
ماليه عينيك
ده أنا كنت وهبه
عمري ليك
كنت أبيع حياتي
وأشتريك
كنت فى حزنك
اضمك وأطبطب
عليك
كنت فى فرحك
اخدك فى حضني
وأجري عليك
ده أنت الوحيد
اللي سلمت قلبي
ليك
بعد كل ده هنت
عليك
هبعد بعيد
إنت فاكر نفسك
مين
إنت شخص عادى
من البني آدمين
بلاش تكبر ده انت
مصنوع من طين
وإن كان عالتكبر
ما أحنا كمان
حلوين
بس فكلامنا
ذوق وأدب
ولين
دايما بنشتري
وعمرنا ما نكون
بايعين
أصل إحنا
عالأصول متربين
وإن كان حبك
هيذلنا لا خلاص
متشكرين
حب ايه اللي
يذلنا ولا يخلينا
مكسورين
وإن كان على
قلبي أموته
ولا أنه يكون
ليك سجين
إبعد بعيد
شاعرة الزجل
إيمان عبدالله والي
