هعمل مبسوط . بقلم الشاعرة* مى محمد العطار
هعمل مبسوط
أنا هعمل نفسى مبسوط
وهدارى الحزن دا جوايا
وهخلى لسانى مربوط
ليفضح امرى بكفايا
راح اعمل نفسى مبسوط.
وهفرح كله على حسابي
وهرسم ضحكتى مظبوط
وهخلى صوتها على العالى
الضحكة صبحت توجعنى
وأنا قلبى بيقولى اسمعنى
ليه الافراح بتبعنى
وأنا لسه بجرى وراها
هروق نفسي كمان وارقص
وهقول للكل تعالى هيص
هقنع نفسى انى الريس
وهادب روحى واكويها
ماهي كان لازم تتعلم
الطيبة بتوجع وتالم
من غير ما اقولها واتكلم
كان لازم تعرف اغلاطها
ياقلبى دى الدنيا غريبة
عملت اسعار للطيبة
الدفع او التابيده
من غير تنويه ولا إنذار
أنا هعمل نفسى مبسوط
وهدارى الحزن دا جوايا
وهخلى لسانى مربوط
ليفضح امرى بكفايا
كلمات. :. مى محمد العطار
