عشق الروح . بقلم الشاعرة القديرة * هالة أحمد المسلماني
عشق قلبين.
الاتنين عايشين أغراب وبعيد
بينهم عشق وحب جديد
بيجري في دمهم والوريد
لكن قلوب الناس من حديد
عايزين الفرقة مابينهم أكيد
الاتنين عايشين أغراب وبعيد
ياناس حبهم مش موجود
في القلب والروح ماله حدود
لا تمنعه أنهار ولا سدود
حب باقي ليوم الخلود
هوي وعشق من نوع فريد
الاتنين عايشين أغراب وبعيد
شافوا كتير عذاب وآلام
كانوا تايهين مع الأيام
قابلوا بعض بحب وئام
ربط مابينهم أجمل غرام
نابع من القلب مش كلام
عايزين يبدؤا حلم جديد
الاتنين عايشين أغراب وبعيد.
بقلمي انا هالة أحمد المسلماني.
