انتبهي حبيبتي . بقلم الأديبة القديرة * صباح الجداوي
نصيحة ام
انتبهي حبيبتي ❤️ كنتي بنتي أو اختي أو صديقتي
مش كل كلمة حب تبقى حب
ساعات كتير تكون نزوة من شباب ملهمش قلب
يمكن يكون شاب فاضي للتسالي ويضيع وقته بكلمة حب
اوعي تصدقي كلمة حلوة حنينة أو ابتسامة فيها براءة مزيفة
دي تمثيلية مجربة مع كل بنت
اوعي تروحي تضيعي قلبك بايدك
انصحك ابعدي اللي يريدك يجي بسرعة ويطلب من ايد ابوكي
بنصحك اصل النهارده بقت موضة
والتلاقي والمقابلة في الشوارع والنوادي أصبح شيء عادي
اوعي تروحي وتصدقي مهما يكون
كبير صغير كلهم حافظين دروس بتلاقهم في وقت الجد يهربوا والمراوغة في طبعهم وفي النفوس
اللي عايزك يجي بسرعة ويطلبك من ايد ابوكي أو اخوكي
المهم أنه يدق الباب على أهل دارك
وساعتها يكون هو ده اللى بحبه جالك
يومها بسرعة احفظيه في نن عينك وجوه قلبك
وبكل فخر قدميه لكل اهلك وحبايبك وجيرانك من صحابك
لان ده اللي يستحق يكون في قلبك وتعطيه كل حنانك
هو ده السند في يوم يكون
هو ده اللي معاه تنسي الهموم
وتبقوا عيلة صغيرة حلوة وجميلة مليانه حب
انصحك انت حبيبتي ❤️ جوهرة لازم نصونك
والجواهر تتحفظ دايما حبيبتي في القصور
شعر (صباح الجداوى )
